Ысык-Көл айланма жолундагы Корумду – Балбай Баатыр тилкеси 62 пайызга бүттү

Жалпы узундугу 79,3 чакырымды түзгөн Ысык-Көл айланма жолундагы Корумду – Балбай Баатыр стратегиялык унаа жолун жаңылоо иштери бекитилген планга ылайык аткарылууда.

Транспорт жана коммуникациялар министрлигинин маалымат кызматы билдиргендей, бүгүнкү күнгө карата асфальт-бетондун төмөнкү катмары толук төшөлүп бүттү. Ошондой эле 27,3 чакырым аралыгына жолдун жогорку бышык катмары басылды.

"Инфраструктураны жакшыртуу алкагында 14 көпүрөнүн жана 2 жер астындагы жөө жүргүнчүлөр өтмөгүнүн курулушу дээрлик аяктоо алдында турат. Ал эми негизги жолдогу 234 суу өткөрүүчү түтүк толугу менен орнотулду. Мындан тышкары, жолдун четтериндеги тротуарларда, велосипед жолдорунда жана кошумча жолдордо суу өткөрүүчү түтүктөрдү орнотуу иштери улантылып, план боюнча каралган 650 түтүктүн 221и даяр болду. Учурда тротуарларды жана велосипед жолдорун куруу иштери активдүү фазада турат",- деп белгиленген маалыматта.

Автор: Замира Ниязбекова