АКШ администрациясы Иран Ормуз кысыгын толук ачат деп күтөт. Бул тууралуу АКШнын вице-президенти Жей Ди Вэнс билдирген.
Айтымында, эгер Иран кысыкты ачпаса, Вашингтон менен Тегерандын ортосундагы сүйлөшүү процессинде чоң өзгөрүүлөр болушу ыктымал.
"Биз кысыктын толук ачылышын көрө элекпиз, ошондуктан ирандыктар Ормуз кысыгын ачууга умтулууну улантат деп күтөбүз. Эгерде алар муну жасабаса, бул биз алар менен жүргүзүп жаткан сүйлөшүүлөрдүн жүрүшүн түп-тамырынан бери өзгөртөт”,- деп билдирген ал Fox News телеканалына.