Вэнс АКШ Украинага курал берүүнү токтотконун ырастады

АКШ мындан ары Украинага курал-жарак сатып алууга жана жеткирүүгө катышпайт. Бул тууралуу АКШнын вице-президенти Жей Ди Вэнс 14-апрелде Жорджия университетинде өткөн форумда сүйлөгөн сөзүндө билдирди.

"АКШ мындан ары курал-жарак сатып албайт жана Украинага жөнөтпөйт. Биз бул абалдан жаңы эле чыктык”,- деген ал.

Вэнс Европа өлкөлөрү эми Украинанын муктаждыктары үчүн курал-жарактарды өз алдынча алышы керектигин баса белгиледи. АКШ мындан ары бул сатып алууларды каржылабайт, бирок европалык союздаштары америкалык өндүрүүчүлөрдөн курал сатып алышса, каршы эмес.

Автор: Айжанар Рыспек кызы
Фото: интернеттен алынды