Ирандын супертанкери АКШнын деңиз блокадасынан өттү

Иранга тиешелүү, 2 миллион баррель мунай ташууга жөндөмдүү супертанкер АКШнын деңиз блокадасынан ийгиликтүү өткөнүн Fars агенттиги жазып чыкты.

Маалыматка ылайык, санкция тизмесине кирген бул супертанкер ачык деңиз аркылуу, ошондой эле Ормуз кысыгынан жашырынбай, жайгашкан жерин көрсөтүүчү идентификациялык системасын өчүрбөстөн өтүп, Ирандын аймактык сууларына кирген.

Кийинчерээк агенттик Ормуз кысыгынан дагы бир кеме өткөнүн маалымдады. Ал – азык-түлүк ташыган ири кеме болуп, Имам Хомейни портуна багыт алган.

Автор: Айзада Кыдырмышева