Трамп Израил менен Ливандын лидерлери жолугарын билдирди

АКШнын президенти Дональд Трамп Израил менен Ливандын ортосунда жаңы сүйлөшүүлөр 16-апрелде өтөрүн билдирди. Бул тууралуу Трамп өзүнүн Truth Social социалдык тармагындагы баракчасына жазган.

Анын айтымында, бул жолку сүйлөшүүлөргө эки өлкөнүн лидерлери да катышары күтүлүп жатат.

"Эки өлкөнүн лидерлери акыркы жолу мындан 34 жыл мурун сүйлөшүү өткөргөн. Сүйлөшүү эртең болот",- деп жазган АКШнын лидери.

Азырынча бул маалымат боюнча Израил же Ливан тараптан расмий комментарий бериле элек. Буга чейин шейшемби күнү Вашингтон шаарында Израил менен Ливандын өкүлдөрүнүн сүйлөшүүлөрү өткөн.

Автор: Бурул Турусбекова