Таласта 10 миллион сомдук мыйзамсыз товар алып кирүү аракети аныкталды

Таласта 10 миллион сомдон ашык суммада тыюу салынган товарларды өлкөгө мыйзамсыз алып кирүү аракети токтотулду. Бул тууралуу УКМКнын басма сөз кызматы билдирди.

Маалыматка ылайык, Кыргыз-Казак тилкесиндеги "Чоң-Капка" өткөрүү пунктунда коммерциялык сатууга арналган мыйзамсыз товарлар аныкталган.

Учурда тергөө иш-чаралары жүргүзүлүүдө, алардын жыйынтыгы боюнча мамлекеттик чек ара аркылуу товарларды мыйзамсыз өткөрүү, милдеттүү төлөмдөрдү төлөөдөн качуу жана тыюу салынган продукцияны мыйзамсыз жүгүртүү боюнча процессуалдык чечим кабыл алынат.

Автор: Бурул Турусбекова