Жалал-Абад облустук милициясынын башчысынын орун басары пара алып жаткан жеринен кармалды

15-апрелде Жалал-Абад облустук ички иштер башкармалыгынын башчысынын орун басары К.К. жана Т.А. аттуу тергөөчү пара алып жаткан жеринен кармалды. Бул тууралуу бүгүн, 17-апрелде УКМКнын маалымат борбору билдирди.

Маалыматка ылайык, алар текшерүүнү токтотуу жана кылмыш ишин козгоодон баш тартуу үчүн 2 миң доллар талап кылышкан. Алар башкармалыктын имаратында 170 миң сом алып жаткан жеринен кармалышты.

Кармалгандар убактылуу кармоочу жайга киргизилди. Тергөө иштери жүрүп жатат.

Автор: Замира Ниязбекова