Трамп Ливан менен Израил 10 күндүк ок атышпоого макулдашканын билдирди

АКШнын президенти Дональд Трамп Израил менен Ливан 10 күндүк ок атышпоону макулдашууга жетишкенин билдирди. Бул тууралуу АКШнын лидери өзүнүн Truth Social социалдык тармагындагы баракчасына жазган.

Трамптын айтымына караганда, кечээ, 16-апрелде Израил менен Ливандын сүйлөшүүлөрү өткөн. Ага Ливан тараптын өкүлү Жозеф Аун жана Израилдин премьер-министри Биньямин Нетаньяху катышкан.

"Мен эки тарап менен сүйлөшүүлөрдү өткөрдүм. Алар ок атышууну 10 күнгө токтотууга расмий түрдө макулдашышты",- деп жазган Трамп.

Мындан тышкары, АКШнын президенти эки өлкөнүн лидерлерин бекем тынчтыкка жетүү үчүн Ак үйгө чакырарын жана ал бир-эки жуманын ичинде өтүшү мүмкүн экенин кошумчалаган.

Автор: Бурул Турусбекова