Ошто Жапалак айыл аймагында ири курулуштар жүрүүдө

Ош шаарынын мэри Жанарбек Акаев Жапалак айыл аймагындагы социалдык объектилердин курулуш иштери менен жеринен таанышты.

Шаардык мэриядан билдиришкендей, учурда Жапалак, Арек, Качыбек, Орке, Мээркан, Кеңеш, Татар, Гулбаар, Төлөйкөн, Тээке жана Керме-Тоо айылдарын таза суу менен камсыз кылуу максатында жалпы узундугу 75 миң метрге жеткен суу түтүктөрү тартылууда.

Мындан тышкары:
— 100 орундуу бала бакчанын курулушу жүрүп жатат
— Атабаев атындагы мектеп үчүн кошумча спорт зал, актовый зал жана ашкана салынууда

Шаар башчысы ар бир объектти кыдырып чыгып, курулуш иштерин сапаттуу жана белгиленген мөөнөттө бүтүрүү боюнча тапшырма берди.

Автор: Айзада Кыдырмышева