Сузактагы окуя: Мугалимге ата-энелердин доосу жок

Сузактагы окуучуларга кол көтөргөн мугалимдин окуясы боюнча Агартуу министрлиги үн катты.

Маалым болгондой, ур-токмокко алынган окуучулардын ата-энелеринин мугалимге карата доосу жок.

"Учурда бул окуя боюнча райондук ички иштер органдары тарабынан териштирүү иштери жүргүзүлүүдө. Ошол эле учурда мектепте окуучулар менен социалдык педагог тарабынан тиешелүү иш-чаралар жүргүзүлүп жатат",- деп белгиленди маалыматта.

Айта кетсек, Сузактага №22 мектепте башталгыч класстын окуучуларына кол көтөргөн мугалимдин окуясы 25-мартта орун алган. Тийиштүү видео коомчулукка тарап, мугалим 15-апрелде кызматынан кеткен.

Автор: Замира Ниязбекова