Чүйдө таанышын бычактап салды деп 30 жаштагы жаран кармалды

Чүй облусунда ден соолукка оор залал келтирүүгө шектүү жаран кармалды. Бул тууралуу 23-апрелде облустук милиция билдирүү таратты.

Милицияга Новониколаевка айылында бычактан жаракат алган киши Жайыл аймактык ооруканасынын жандандыруу бөлүмүнө жеткирилгени тууралуу маалымат түшкөн.

Төмөнкү жагдайлар аныкталган:

Жабырлануучу шектүүнүн үйүнө спирт ичимдиктерин алып барган;
Аны ичип отурушкан учурда алардын ортосунда чыр чыккан;
Шектүү ашкана бычагы менен жабырлануучуга зыян келтирген.

Аталган факт боюнча Кылмыш-жаза кодексинин 130-беренеси (Ден соолукка оор залал келтирүү) менен кылмыш иши козголгон. Шектүү катары 30 жаштагы жаран кармалып, убактылуу кармоочу жайга киргизилген.

Зарыл болгон экспертизалар дайындалып, тергөө амалдары жүргүзүлүүдө.

Автор: Айжанар Рыспек кызы