Баткенде алдамчылыкка шектелген жаран кармалды

Баткен районунда алдамчылыкка шектелген жаран кармалды. Бул тууралуу 24-апрелде облустун милициясынан билдиришти.

Маалыматка ылайык, 26 жаштагы А.Б. аттуу жаран 46 жаштагы жарандын Honda Fit үлгүсүндөгү унаасын 1 миллион сомго баалап сатып алып, акчасын бир айдын ичинде төлөп берүүнү убадалаган. Бирок көрсөтүлгөн мөөнөттө каражатты кайтарган эмес.

Аталган факт боюнча Кылмыш-жаза кодексинин 209-беренеси (Алдамчылык) негизинде кылмыш иши козголду.

Тергөө иштеринин жүрүшүндө шектүү кармалган. Учурда тергөө амалдары уланууда.

Автор: Меерим Кабылова
Фото: Баткен ОИИБ