Чүйдө айылдашын сабап кеткен делип үч жигит кармалды

Чүй милициясы билдиргендей, облус аймагында бейбаштыкка шектелген 3 жаран кармалды.

Аламүдүн РИИБге 38 жаштагы жаран арыз менен кайрылган. Ал 27-мартта Васильевка айылында үч айылдашы себепсиз денесине залал келтирип, качып кетишкенин билдирген.

Аталган факт катталып, соттук-медициналык экспертиза дайындалган. Анда жабырлануучу жеңил жаракат алганы аныкталган.

Аталган факт боюнча Кылмыш-жаза кодексинин 280-беренеси (Бейбаштык) менен кылмыш иши козголгон. Шектүү катары 18, 39 жана 21 жаштагы жарандар кармалып, убактылуу кармоочу жайга киргизилди.

Тергөө уланууда.

Автор: Айжанар Рыспек кызы
Фото: Чүй ОИИББ