Бүгүн, 27-апрелде Бишкек шаарындагы Nomad Arena муз аренасында 18 жашка чейинкилер арасында хоккей боюнча Азия кубогу расмий түрдө старт алды. Бул тууралуу Дене тарбия жана спорт мамлекеттик агенттигинен билдиришти.
Маалыматка ылайык, иш-чаранын алкагында катышуучу өлкөлөрдүн командаларынын парады өтүп, концерттик программа менен коштолду.
Турнирге Кыргызстан, Өзбекстан, Макао (Кытай), Индонезия, Монголия жана Индиядан келген спортчулар катышууда.
Азия кубогу 3-майга чейин уланат.