Чүй облустук милициясы 39 жаштагы жаран баңгизат менен кармалганын билдирди.
Маалымдалгандай, ал Opel унаасы менен Токмок-Кошой унаа жолунда бара жатканда токтотулган. Унаадан 21 таңгактагы гашиш табылган. Факт боюнча Кылмыш-жаза кодексинин 283-беренеси (Баңгизат каражаттарын, психотроптук заттарды жана алардын аналогдорун сатуу максатын көздөбөстөн мыйзамсыз даярдоо) менен кылмыш иши козголгон. Учурда тергөө иштери уланууда.