Нарын - Баетов унаа жолунун курулушу кызуу жүрүүдө

Нарын - Баетов унаа жолунун бир нече чакырымында курулуш иштери активдүү жүрүүдө. Бул тууралуу 28-апрелде Транспорт жана коммуникациялар министрлигинин маалымат кызматы билдирди.

Ага ылайык, бүгүнкү күнгө карата:

8-13-чакырымына экинчи катмар асфальт төшөлүүдө;
84-115-чакырымына чейинки тилкенин 11,7-чакырымына биринчи катмар асфальт басылып, калган тилкеде жер иштери жана суу өткөрүүчү түтүктөрдү орнотуу процесси жүрүүдө;
99-102-чакырымынын оң тарабына биринчи катмар асфальт басылууда;
115-120-чакырымына асфальт-бетондун төмөнкү катмарын төшөө жумуштары жүрүүдө.

Белгилей кетсек, бул унаа жолдун жалпы узундугу 120 чакырымды түзөт.

Автор: Меерим Кабылова
Фото: Транспорт жана коммуникациялар министрлиги