Сентябрдан тарта WhatsApp тиркемеси айрым телефондордо иштебейт

WhatsApp тиркемеси ушул жылдын сентябрь айынан тарта айрым телефондордо иштебейт. Бул тууралуу чет элдик басылмалар жазышууда.

Компаниянын маалыматына караганда, бул чечим Android 5.0 жана 5.1 версиясында иштеген эски смартфондорго тиешелүү. Мындай кадам коопсуздукту жогорулатуу жана тиркеменин иштөө ылдамдыгын камсыз кылуу максатында кабыл алынган.

Аталган версиядагы телефондор көбүнчө Индия, Бразилия, Пакистан, Түштүк-Чыгыш Азия жана Африка аймактарында колдонулат. WhatsApp эски версияда телефон колдонгон колдонуучуларга алдын ала эскертүүлөрдү берип, тиркемедеги билдирүүлөрүн сактап алууну сунуштайт.

Автор: Бурул Турусбекова