Путин менен Трамп телефон аркылуу сүйлөштү

Орусиянын президенти Владимир Путин АКШ лидери Дональд Трамп менен телефон аркылуу сүйлөштү. Бул тууралуу 29-апрелде Орусия президентинин жардамчысы Юрий Ушаков билдиргенин орусиялык басылмалар жазышты.

Ушаков сүйлөшүү Орусия тараптын демилгеси менен болгонун, ал 1,5 сааттан ашык убакытка созулганын белгиледи.

Айтымында, сүйлөшүүлөр достук жана ачык-айкын маанайда өткөн.

Басылмалар белгилегендей, Путин Трамп менен акыркы жолу 9-мартта сүйлөшкөн. Анда Ирандын айланасындагы кырдаалга, ошондой эле украин кризисин жөнгө салууга басым жасалган.

Автор: Айжанар Рыспек кызы
Фото: интернеттен алынды