Бишкекте велосипед уурдоого шектүү жаран кармалып, убактылуу кармоо жайына киргизилди. Бул тууралуу калаа милициясы 30-апрелде кабарлады.
Маалыматка ылайык, шаар тургуну милицияга кайрылып, 3-апрелде 70 миң сомдук велосипеди уурдалганын айткан.
Бул факт боюнча Кылмыш-жаза кодексинин 205-беренеси (Уурулук) менен кылмыш иши козголгон. Шектүү А.Ы. кармалып, убактылуу кармоочу жайга киргизилген.
Учурда шектүүнүн ушул сыяктуу дагы 18 кылмышка тиешеси бар экендиги аныкталды. Тергөө амалдары жүргүзүлүүдө.