Франциядагы круиздик кемеде вирус чыкты

Франциянын жээгиндеги Ambition круиздик лайнеринде катталган гастроэнтериттин жайылышы боюнча жаңы маалыматтар пайда болду. Лайнердин ээси болгон Ambassador Cruise Line компаниясынын "РИА Новостиге" билдиришинче, ооругандардын саны жүргүнчүлөр Ливерпулдан түшкөндөн кийин көбөйгөн.

Маалыматка ылайык, кеме 8-майда Белфасттан чыгып, 9-майда Ливерпулдан сапарын уланткан. Компаниянын басма сөз кызматы оорунун күч алышы Ливерпулда жүргүнчүлөр түшкөндөн кийин байкалганын билдирди.

Буга чейин France Presse агенттиги Франциянын бийлигине шилтеме берип, лайнердеги бир адам болжол менен гастроэнтериттен каза болгонун жазган.

Автор: Айзада Кыдырмышева