Ош шаарында баңгизаттарга каршы рейд уланууда

Ош шаарында бир нече дарыканаларга рейд жүргүзүлүп, күчтүү таасир этүүчү дарыларды, баңгизаттык жана психотроптук заттардын мыйзамсыз сатылышын алдын алуу боюнча түшүндүрүү иштери жүргүзүлдү.

Мэрия билдиргендей, атайын комиссия түзүлүп, анын курамына шаардык кызматтардын, укук коргоо органдарынын жана тиешелүү мекемелердин өкүлдөрү киргизилди.

Текшерүү учурунда дарыкана кызматкерлерине мыйзам талаптары эскертилип, катуу көзөмөлгө алынуучу дары-дармектерди сактоо жана сатуу эрежелери боюнча маалымат берилди.

Автор: Замира Ниязбекова