Иран АКШдан жаңы билдирүү алганын билдирди

Иран ТИМи АКШнын президенти Дональд Трамп Ирандын жаңжалды жөнгө салуу боюнча сунушун кабыл алууга болбой турганын билдиргенден кийин, америкалык тараптан жаңы билдирүү алганын жарыялады. Бул тууралуу Иран ТИМ башчысы Аббас Аракчи маалымдаганын ТАСС агенттиги жазды.

Министрдин айтымында, Трамп бир нече күн мурун социалдык тармактагы билдирүүсүндө Ирандын жообу кабыл алынгыс экенин жазган. Бирок андан кийин АКШ тарап кайрадан сүйлөшүүлөрдү улантууга жана өз ара аракеттенүүгө даяр экенин билдирген.

“АКШ Ирандын сунушун же жообун четке какканы бир нече күн мурда болгон. Бирок андан кийин биз америкалык тараптан алар сүйлөшүүлөрдү жана кызматташууну улантууга даяр экенин билдирген жаңы кабарларды алдык”, - деди Аббас Аракчи Индиянын Нью-Дели шаарында өткөн конференцияда.

Эксперттер бул билдирүүлөр АКШ менен Иран ортосундагы дипломатиялык байланыштарды жандандырууга мүмкүнчүлүк жаратышы мүмкүн экенин белгилешүүдө.

Автор: Айзада Кыдырмышева