Казакстандык блогер Сауле Базархандын өлүмү боюнча тергөө башталды

Казакстандык блогер жана ишкер Сауле Базархан Алматыдагы жеке клиникалардын биринде каза болду. Бул маалыматты продюсер Гульзира Айдарбекова тастыктап, жакын курбусунан айрылуу оор болгонун билдирди.

Маалыматка караганда, Сауле Базархан 15-майда денедеги ашыкча май катмарларын хирургиялык жол менен сордуруп алуу боюнча пландуу операциядан кийин көз жумган. Анын кызынын айтымында, операция 1-1,5 саатка созулушу керек болчу, бирок дарыгерлер узак убакыт маалымат беришкен эмес.

Алматы полициясы блогердин өлүмү боюнча кылмыш иши козголгонун билдирип, учурда тергөө иштери жүрүп жатканын маалымдады. Маркумдун жакындары окуянын чоо-жайын акыйкат иликтөөнү жана клиниканын ишин убактылуу токтотууну талап кылышууда.

Автор: Замира Ниязбекова