Бүгүн, 21-майда көк бөрү боюнча Жеңиш кубогунун Жогорку лигасынынын финалына Нарындын "Намыс" курамасы менен Таластын "Ынтымак" командасы жолдомо алышты.
"Ынтымак" Оштун "Достук" курамасын 5:4 эсебинде жеңсе, "Намыс" Чүйдүн "Сары-Өзөн" командасын 5:1 эсебинде утту. Эки команда быйыл экинчи жолу финалда оюн өткөрүшөт. Буга чейинки Нооруз турниринде "Намыс" клубу "Ынтымакты" 4:3 эсебинде жеңип, чемпион аталган.
Таласта өтүп жаткан оюндун финалдык беттеши 23-майда болот.