Адылбек Касымалиев Түркмөнстандын президенти менен жолугушту

Бүгүн, 22-майда өкмөт башчы Адылбек Касымалиев жумушчу сапарынын алкагында Түркмөнстандын президенти Сердар Бердымухамедов менен жолугушту.

Өкмөттүн маалымат кызматы кабарлагандай, жолугушуунун жүрүшүндө кыргыз-түркмөн кызматташтыгынын күн тартибиндеги бир катар актуалдуу маселелер талкууланды.

Өзгөчө соода-экономикалык жана маданий-гуманитардык кызматташтыкты мындан ары өнүктүрүүгө, ошондой эле энергетика жана транспорт тармагындагы кызматташтыкты чыңдоого көңүл бурулду.

Мындан тышкары, өкмөт башчы президент Садыр Жапаровдун саламын жана каалоолорун жеткирди.

Автор: Меерим Кабылова
Фото: Министрлер кабинети