Көк бөрү боюнча Жеңиш кубогунун Жогорку лигасынынын финалына Нарындын "Намыс" курамасы менен Таластын "Ынтымак" командасы беттешти.
Жыйынтыгында 4:2 эсебинде "Ынтымак" жеңишти илип кетти. Ошентип, кубокту Таластын командасы утса, Нарындын курамасы 2-орунду алды. 3-орунду "Достук" багындырды. Турнир Таласта өттү.
Белгилей кетсек, эки команда быйыл экинчи жолу финалда оюн өткөрүштү. Буга чейинки Нооруз турниринде "Намыс" клубу "Ынтымакты" 4:3 эсебинде жеңип, чемпион аталган.