Ош облусунун Кара-Суу районунда жаандын кесепетинен турак үйлөрдү жана социалдык объекттерди сел каптады. Бул тууралуу Өзгөчө кырдаалдар министрлигинен билдиришти.
Маалыматка ылайык, жалпы район аймагында:
- 56 турак үйдүн жер төлөсүнө;
- 23 турак үйдүн короосуна;
- 1 оорукананын жер төлөсүнө;
- 1 мектептин короосуна сел суулары кирген.
Мындан сырткары, 1 турак үй жана 6 сарай авариялык абалга келип, 48 баш койду сел агызып кеткен.
Учурда жеринде тактоо жана калыбына келтирүү иштери улантылууда.