Кыргыз окуучулары эл аралык олимпиадада 3 коло медаль утушту

Кыргызстандык окуучулар эл аралык European Mathematical Cup (Европалык математикалык кубок) олимпиадасында 3 коло медаль утуп алышты. Бул тууралуу 25-майда Агартуу министрлиги билдирди.

Коло байге жеңген окуучулардын тизмеси:

Нурайым Мухаматнабиева, 10-класстын окуучусу, "Акылман" президенттик лицейи;
Камила Алиярова, 10-класстын окуучусу, "Газпром Кыргызстан" мектеби.
Адилет Шакиралиев, Купуев академиясы.

Кыргызстан бул олимпиадага 2022-жылдан бери катышып келет. Азырынча өлкөнүн эсебинде 3 күмүш жана 5 коло медаль бар.

European Mathematical Cup эки категорияда (Junior жана Senior) өткөрүлөт. Катышуучуларга 4 сааттын ичинде алгебра, геометрия, комбинаторика жана сандар теориясы боюнча 4 маселе чечүү тапшырмасы берилет.

Маалымат үчүн: Бул олимпиаданы хорватиялык жаш таланттуу математиктер ассоциациясы уюштурган. Бул мелдеш 14 жылдан бери өткөрүлүп келет.

Автор: Айжанар Рыспек кызы
Фото: Агартуу министрлиги