Түркияда белгилүү актриса Серенай Сарыкая кармалды

Түркияда белгилүү актриса Серенай Сарыкая баңгизатка байланыштуу ири тергөөнүн алкагында кармалды.

Түркиянын маалымат каражаттары жазгандай, Стамбулдун Бакыркөй прокуратурасы шоу-бизнес өкүлдөрүнө байланышкан масштабдуу тергөө жүргүзүүдө. Актриса чет өлкөдөн кайтып келгенден кийин жандармерия кызматкерлери тарабынан кармалган.

Тергөөнүн материалдарында баңгизатты жеке колдонуу үчүн сатып алуу, сактоо жана колдонууга шарт түзүү беренелери каралууда. Учурда тергөө иштери уланууда.

Маалыматка ылайык, сурак бүткөндөн кийин актриса соттук-медициналык экспертизага жөнөтүлүшү мүмкүн. Түркиянын расмий органдары азырынча кошумча маалымат бере элек.