Кыргыз күрөшү боюнча курама команда мүчөлөрү менен үч тараптуу келишим түзүлдү

Бүгүн, 26-майда Спорттун улуттук түрлөрү боюнча дирекциясында Республикалык кыргыз күрөшү федерациясы, машыктыруучулар жана спортчулар ортосунда атайын келишимге кол коюлду. Бул тууралуу дене тарбия жана спорт агенттигинен билдиришти.

Маалыматка ылайык, анын негизинде балбандар Дүйнө чемпиондугуна, Азия чемпиондугуна жана Дүйнөлүк көчмөндөр оюндарына катышууга мүмкүнчүлүк алышат.

Жыйында ошондой эле спортчуларга түзүлө турган шарттар, машыгуу процесси жана алдыдагы мелдештер боюнча уюштуруу маселелери талкууланды.

Автор: Айзада Кыдырмышева