Бүгүн, 28-майда Ош облусунда “Ак-Буура” чек ара заставасынын жаңы имараты ачылды. Бул тууралуу президенттин облустагы өкүлчүлүгүнөн билдиришти.
Маалымдалгандай, иш-чарага күч түзүмдөрүнүн өкүлдөрү жана жергиликтүү бийлик өкүлдөрү катышты.
Бийлик өкүлдөрү чек ара кызматкерлерин кесиптик майрамы менен куттуктап, өлкөнүн коопсуздугун камсыздоодогу чек арачылардын кызматы өзгөчө мааниге ээ экендигин белгилешти. Ошондой эле мамлекет тарабынан чек ара инфраструктурасын жакшыртууга өзгөчө көңүл бурулуп жатканы да кошумчаланды.