Кениянын Накуру шаарындагы кыздар мектебинин жатаканасында түн ичинде чыккан өрттөн кеминде 16 адам каза болуп, дагы 79 адам жабыркады. Бул тууралуу BBC News Africa кабарлады.
Кениянын билим берүү министри Мигос Огамбанын айтымында, өрт чыккан учурда мектепте 808 окуучу болгон. Алардын 79у ооруканага жеткирилген. Ошондой эле 16 адам каза тапкан, азырынча алардын өздүгү тактала элек.
Кырсык 28-майда түндө катталган. Өрттүн себептери такталууда.