Мектепти канча окуучу бүтүрүп жатат?

Быйыл өлкө боюнча 80 миңден ашуун окуучу 11-классты, ал эми 136 миңден ашуун окуучу 9-классты аяктап жатат. Бул тууралуу агартуу министри Догдуркул Кендирбаеванын куттуктоосунда айтылат.

"Ар бир ата-эне, ар бир мугалим силердин келечекте өз ордуңарды таап, максаттарыңарга жетип, мекенибиздин өнүгүшүнө салым кошкон ийгиликтүү инсан болушуңарды каалайт.

Каалаган окуу жайыңыздарга тапшырып, турмуш жолуңарда чоң ийгиликтерди жаратаарыңыздарга ишенем. Кыргызстандын келечеги — силердин колуңарда. Акыркы коңгуроо майрамыңыздар менен чын жүрөктөн куттуктайм!" - деп жазат анын сөздөрүн Агартуу министрлиги.

Автор: Кылымбек Бейшеев