Бишкекте өтө турган "Наристе" фестивалына Өзбекстандан катышуучулар келди

Кечээ, 30-майда Бишкек шаарына VI Эл аралык "Наристе" балдардын фольклордук фестивалына катышуу үчүн Өзбекстандан чыгармачыл делегация келди.

Мэриядан билдиргендей, топтун курамына өз өлкөсүнүн улуттук искусствосун, элдик бийлерин, музыкалык номерлерин жана маданий салттарын тартуулай турган 13 жаш талант кирди.

Эл аралык "Наристе" фестивалы жыл сайын дүйнөнүн ар кайсы өлкөлөрүнөн келген таланттуу катышуучулардын башын бириктирип, ар улуттун маданияты, каада-салты жана үрп-адаттары менен таанышууга өзгөчө аянтча болуп бере тургандыгы маалыматта кошумчаланды.

Автор: Замира Ниязбекова