Өлкөдө 1-класска электрондук каттоонун экинчи этабы башталат (видео)

Өлкөдө 1-июндан тартып 1-класска электрондук каттоонун экинчи этабы башталат.

Агартуу министрлиги билдиргендей, бул этапта ата-энелер же мыйзамдуу өкүлдөр жашаган жерине карабастан, бош орундар бар мектептерге балдарын каттай алышат.

Каттоо үчүн:

1mektep.edu.gov.kg порталына кириңиз;
ата-эне же мыйзамдуу өкүл катары катталыңыз;
жеке кабинетке кирип, «Өтүнмө берүү» баскычын басыңыз;
мектепти жана окутуу тилин тандаңыз;
арызыңызды ырастаңыз.

2026–2027-окуу жылы үчүн 1-класска 2019-жылдын 1-январынан 31-декабрына чейин төрөлгөн жана 2020-жылдын 1-январынан 31-декабрына чейин төрөлгөн балдар кабыл алынат.

Автор: Замира Ниязбекова