Жаңы ачылган түндүк-түштүк жолунда жүрүүдө кайсы эрежелерди сактоо керек?

Бүгүн, 1-июндан баштап түндүк-түштүк альтернативдүү жолу ноябрга чейин унаа каттамдары үчүн ачылды.

Буга улай Өзгөчө кырдаалдар министрлиги жолдун айрым тилкелери кооптуу бойдон калганын белгилеп, айдоочулар үчүн эскетүүлөрдү берди.

Ылдамдык режимин так сактаңыздар;
Каршы тилкеге чыкпоого жана кооптуу тилкелерде токтоп калбоого аракет кылыңыздар;
Жол белгилеринин жана тиешелүү кызматтардын көрсөтмөлөрүн аткарыңыздар;
Унаалардын техникалык абалын алдын ала текшерип алыңыздар;
Өзгөчө этият болуп, аралыкты сактоо менен жүрүңүздөр.

Тоо беттеринен таш кулап кетүү, жол жээгиндеги кыртыштын көчүү коркунучу жана башка табигый факторлор орун алышы мүмкүн.

Автор: Кылымбек Бейшеев