Путин менен Пашинян ЕАЭБ саммитинин жыйынтыктарын талкуулашты

Орусиянын президенти Владимир Путин менен Армениянын премьер-министри Никол Пашинян телефон аркылуу сүйлөшүп, Казакстандын Астана шаарында өткөн Евразия экономикалык биримдигинин (ЕАЭБ) саммитинде кабыл алынган чечимдерди талкуулашты. Бул тууралуу орус басылмалары жазышты.

Кремлдин маалыматына ылайык, тараптар 29-майда өткөн Жогорку Евразиялык экономикалык кеңештин жыйынынын жыйынтыктарын карап чыгышкан.

Армения өкмөтү билдиргендей, Никол Пашинян айрым талаш-тартыштарды жараткан маселелер боюнча көрсөтүлгөн колдоо үчүн Владимир Путинге ыраазычылык билдирген. Ошондой эле эки лидер ыңгайлуу учур жаралганда жолугушууларды жана байланыштарды улантуу тууралуу макулдашышты.

Автор: Айзада Кыдырмышева