Трамп Иран менен сүйлөшүүлөр уланып жатканын айтты

АКШ менен Ирандын ортосундагы сүйлөшүүлөр уланууда. Бул тууралуу АКШ президенти Дональд Трамп өзүнүн Truth Social социалдык тармагындагы баракчасына жазды.

Айтымында, тараптардын сүйлөшүүлөрү ылдам темпте жүрүп жатат.

1-июнда Ирандын "Tasnim News Agency" агенттиги Израилдин Ливандагы соккулары уланып жаткандыктан, Иран АКШ менен болгон сүйлөшүү процессинен чыкканын билдирген.

Өз кезегинде Трамп Израил Бейрутка аскер жөнөтпөй турганын, ал эми Ливандын борборуна багыт алган аскерлер кайра артка кайтарыларын убада кылган.

Автор: Айжанар Рыспек кызы
Фото: интернеттен алынды