Өлкөнүн мектептеринде мамлекеттик аттестация башталды

Бүгүн, 2-июндан тартып өлкө боюнча кесиптик лицейлерде жана мектептерде 9 жана 11-класстардын бүтүрүүчүлөрү үчүн жыйынтыктоочу мамлекеттик аттестация башталды.

Агартуу министрлиги маалымдагандай, лицейлердеги аттестациянын өткөрүлүшү Башталгыч кесиптик билим берүү башкармалыгы тарабынан Zoom платформасы аркылуу онлайн форматта көзөмөлдөнүүдө.

Ал эми жалпы билим берүү уюмдарында бүгүн 9-класстын бүтүрүүчүлөрү алгебра сабагы боюнча жазуу түрүндөгү тест тапшырышууда. 11-класстын бүтүрүүчүлөрү болсо эне тили жана адабияты сабагынан эссе жазышууда.

Автор: Айжанар Рыспек кызы
Фото: Агартуу министрлиги