Кичинекей жүрөктөргө чоң жардам: О! жана анын кызматкерлери 500дөн ашуун балага жардам беришти

Балдарды коргоо боюнча эл аралык күнүнө карата О! уюлдук оператору кызматкерлери менен биргеликте кайрымдуулукка жарым миллион сомдон ашык каражат которду.

Республика боюнча 500дөн ашык муктаж балдар майрамдык иш-чараларга катышып, белектерди алып, колдоого ээ болушту.

• «Жакшылык жолу» кайрымдуулук фонду: Кызматкерлер каражаттын көп бөлүгүн өздөрү чогултуп, 100 өзгөчө бала (алыскы айылдардагы балдарды кошо алганда) үчүн майрам өткөрүүгө, ошондой эле оор турмуштук кырдаалдарга туш болгон үй-бүлөлөргө азык-түлүк топтомдорун сатып алууга жумшашты.

• Ошто чоң майрам: Компания Ош шаарынын мэриясы жана шаардык социалдык коргоо башкармалыгы тарабынан уюштурулган майрамды колдоду. Майрамдык белектерди 400 бала алды – бул балдар үйлөрүнүн тарбиялануучулары, жетим балдар, майып балдар жана оор турмуштук кырдаалда жашаган үй-бүлөлөрдүн балдары.

Системалык камкордук жана келечек үчүн технологиялар

О! үчүн бул колдоо туруктуу мүнөзгө ээ: компания жыл сайын өзгөчө муктаж болгондорго багытталган жардам көрсөтөт. Ошол эле учурда оператор өлкө боюнча түйүндөрүн тынымсыз өнүктүрүп жатат, анткени башкы максат - Кыргызстанда жашаган жерине карабастан, ар бир балага билим алуу жана ар тараптуу өнүгүү үчүн заманбап технологияларга жеткиликтүүлүктү камсыз кылуу.

О! компаниясы жалпы ишке кошкон салымы үчүн кызматкерлерин жана өнөктөштөрүн куттуктайт жана айлана-чөйрөнү балдар үчүн жагымдуу жана коопсуз кылуу – бул бирге гана чече ала турганмилдет экенин эскертет.