Президент шахматты калк арасында жайылтуу боюнча жарлыкка кол койду

Президент Садыр Жапаров “2026-2030-жылдарга Кыргызстанда шахматты өнүктүрүү жана популярдаштыруу боюнча кечиктирилгис чаралар жөнүндө” жарлыкка кол койду.

Жарлыктын максаты - шахматты калк арасында кеңири жайылтуу үчүн шарттарды түзүү жана шахматчыларды даярдоонун натыйжалуу системин калыптандыруу болуп саналат.

Буга байланыштуу өлкөдөгү 500 мамлекеттик жана муниципалдык жалпы билим берүү уюмдарындагы 3-5-класстардын окуучулары үчүн кошумча шахмат ийримдери түзүлүп, "Мектептердеги шахмат" долбоору пилоттук режимде киргизилет.

Ошондой эле "Жылдын мыкты шахматчысы", "Шахмат боюнча жылдын мыкты машыктыруучусу" деген президенттин атайын сыйлыктары уюштурулат.

Автор: Меерим Кабылова
Фото: Интернеттен алынды