Баткенде 32 жаштагы жаран ири өлчөмдөгү баңгизат менен кармалды

Баткен облусунун Кадамжай районунда 32 жаштагы жаран ири өлчөмдөгү баңгизат менен кармалды. Бул тууралуу 4-июнда Мамлекттик бажы кызматынан билдиришти.

Маалым болгондой, шектүүнүн жашаган жерин тинтүү учурунда 33 килограмм гашиш табылган.

Бул факт боюнча Кылмыш-жаза кодексинин 282-беренеси менен кылмыш иши козголду.

Ошондой эле Кыргызстан менен Өзбекстандын укук коргоо органдарынын биргелешкен ишинин алкагында коңшу өлкөнүн жараны кармалып, андан 14 килограмм гашиш жана 1 килограмм опий алынды.

Автор: Меерим Кабылова
Фото: Мамлекеттик бажы кызматы