Бишкекте жол тескөөчүлөр кырсыктаган жаранга жардам көрсөтүштү. Бул тууралуу милициянын Кайгуул кызматы билдирди.
Маалыматка ылайык, 4-июнда скутер айдоочусу башкарууну жоготуп жыгылып, оң бутун сындырып алган. Кырсыкка күбө болгондор жабырлануучуну ооруканага жеткирүүгө аракет кылышкан. Бирок жол тыгынына байланыштуу милиция кызматкерлеринен жардам сурашкан.
Натыйжада, жол тескөөчүлөр жабыркаган жаранды кызматтык унаага салышып, ооруканага жеткиришкен.