Түндүк-Түштүк альтернативдик унаа жолунун 271-чакырымына түшкөн жер көчкү толук тазаланды. Бул тууралуу 8-июнда Транспорт жана коммуникациялар министрлигинен билдиришти.
Маалымдалгандай, жолдун 243-280-чакырымына дагы көчкү түшүп, тазалоо иштери улантылууда. Учурда жол бир тараптуу ачык, каттам бар.
Белгиленгендей, 4-июнда Түндүк-Түштүк альтернативдик унаа жолунун 270-271-чакырым аралыгына чоң көлөмдөгү көчкү түшүп, жол кыймылы убактылуу жабылган.