Баткендик тургунду алдап кеткен жигит Бишкектен кармалды

Алдамчылыкка шектелген 24 жаштагы жигит кармалды. Бул тууралуу Баткен облустук милициясы билдирди.

Маалыматка ылайык, Оштун тургуну Баткен шаарынын 46 жаштагы тургунуна унаа сатуу жана сатып алуу келишиминин негизинде 1 миллион 225 миң сом карыз болуп калган. Бирок ал акчаны бербей качып жүргөн.

Аталган факт боюнча Кылмыш-жаза кодексинин 209-беренеси (Алдамчылык) менен кылмыш иши козголуп, шектүү Бишкектен колго түшкөн. Ал Баткенге жеткирилип, убактылуу кармоочу жайга киргизилди. Учурда тергөө иштери уланууда.

Автор: Кылымбек Бейшеев
Фото: Баткен ОИИБ