
Бишкектик оор атлетчилер Тажикстандын Душанбе шаарында өткөн эл аралык мелдеште 6 медаль жеңип алышты. Бул тууралуу борбор калаанын мэриясы кабарлады.
Маалымдалгандай, турнирге Бишкектеги Олимпиадалык резервдер адистештирилген балдар-өспүрүмдөр мектебинин 8 тарбиялануучусу катышкан. Жыйынтыгында 5 алтын жана 1 күмүш медаль тагынышкан.
Өмүржанов Арсен, Жеңишбек уулу Нургазы, Байгабылов Азамат, Нурланбек уулу Нурчолпон, Назарбаев Азамат алтын медалга татыса, Жолдошкулов Айтегин күмүш байгеге ээ болгон.