Туризм, аба каттамы, кызматташуу... Касымалиев БАЭнин делегациясын кабыл алды

Бүгүн, 9-июнда министрлер кабинетинин төрагасы Адылбек Касымалиев туризм, аба каттамдары жана соода чөйрөсүндө кызматташуунун келечегин талкуулоо үчүн Бириккен Араб Эмирликтеринин делегациясын кабыл алды.

Президенттик администрациядан билдиргендей, Касымалиев делегация өкүлдөрүнө жана "Air Arabia" авиакомпаниясынын жетекчилигине март айында Кыргызстандын жарандарын БАЭден эвакуациялоого көрсөткөн жардамы үчүн ыраазычылык билдирип, Министрлер кабинетинин Ардак грамоталары жана ыраазычылык баракчалары менен сыйлады.

Жолугушуунун соңунда тараптар Кыргызстандагы туризмди өнүктүрүү, аба каттамдардын географиясын кеңейтүү жана өлкөнүн масштабдуу долбоорлоруна инвесторлорду тартуу боюнча чараларды көрүүгө макулдашты.

Автор: Замира Ниязбекова