Наталья Никитенко Жогорку Кеңешке караштуу борбордун директору болуп дайындалды

Жогорку Кеңешке караштуу “Парламентти жана демократияны өнүктүрүү борбору” мамлекеттик мекемесине жаңы жетекчи дайындалды. Бул тууралуу Жогорку Кеңештин басма сөз кызматынан билдиришти.

Аталган кызматка Наталья Никитенко дайындалып, тиешелүү тескемеге Жогорку Кеңештин төрагасы Марлен Маматалиев кол койду.

Никитенко буга чейин V жана VI чакырылыштагы Жогорку Кеңештин депутаты болуп иштеп келген. Жаңы кызматта ал парламенттик институттарды өнүктүрүү жана демократиялык процесстерди колдоо багытындагы иштерди жетектейт.

Автор: Айзада Кыдырмышева