АКШ Ормуз кысыгы жабылганы тууралуу маалыматты четке какты

АКШнын Борбордук командачылыгы Иран тарабынан Ормуз кысыгы жабылганы тууралуу маалыматты төгүндөдү. Бул тууралуу мекеме X социалдык тармагына жарыялаган.

"Коммерциялык кемелер бүгүн кечинде да Ормуз кысыгы аркылуу эки багытта тең өтүүнү улантууда",- деп айтылат билдирүүдө.

Буга чейин Иран тарап Ормуз кысыгы АКШнын 11-июнда Иранга жана Перс булуңунун жээгиндеги бир нече шаарга жасаган чабуулдарынан кийин жабылганын жарыялаган. Буга удаа кысык жабылгандан кийин аны кесип өтүүгө аракет кылган эки кемеге сокку урулганын билдирген.

Автор: Айжанар Рыспек кызы
Фото: интернеттен алынды