Кызыл-Кыянын ооруканасы өз акчасына жаңы компьютердик томография сатып алды

Баткен облусунун Кызыл-Кыя шаарындагы Жалпы дарыгерлик практика борбору өз каражатына заманбап компьютердик томография аппаратын сатып алып, пайдаланууга берди. Бул тууралуу Саламаттык сактоо министрлиги билдирди.

Маалым болгондой, баасы жеке менчик медициналык борборлорго салыштырмалуу төмөн болуп, жогорку технологиялуу медициналык кызматтарды калк үчүн жеткиликтүү кылат.

Бул Баткен облусунда мамлекеттик саламаттык сактоо мекемеси өз каражатына сатып алган алгачкы компьютердик томограф болуп саналары маалыматта белгиленди.

Автор: Замира Ниязбекова